साहित्यकार रत्नाकर मतकरी यांनी दिग्दर्शित केलेल्या   'इन्व्हेस्टमेंट' या चित्रपटाला सर्वोत्कृष्ट मराठी चित्रपटाचा राष्ट्रीय पुरस्कार मिळाला होता.
या चित्रपटात त्यांना दिग्दर्शनात सहाय्य करणारे त्यांचे सहकारी अरविंद औंधे यांनी वाहिलेली आदरांजली !


असिस्टंटच्या नजरेतून...

चित्रपट दिग्दर्शक रत्नाकर मतकरी .....तारीख,वार आठवत नाही...
साधारणपणे  साताठ वर्षं झाली असतील.एक दिवस अचानक मतकरींचा फोन-त्यांचा फोन नेहमी अचानकच असायचा.
'उद्या संध्याकाळी काय करतोयस?'
'खास काही नाही .का?'-मी
'मं संध्याकाळची सहा वाजता घरी ये.'
'बरं येतो.'
'नक्की वेळेत ये. नेहमीप्रमाणे रिहर्सलला करतोस तसा उशीर करू नकोस.'
'नाही. वेळेत येतो.'

दुसऱ्या दिवशी बरोब्बर वेळेत पोहोचावं ह्या दृष्टीने अगदी अर्ध्या तासाचं मार्जीन ठेवून निघालो.वाटेत असतानाच बरोब्बर सहा वाजता पुन्हा फोन,
'कुठे आहेस? सहा वाजले.'
'मी एका मिनिटावर आहे.पोहचतोच..'
त्यांच्या घरी पोचलो. लगेचच चहा पाणी वगैरे  आटोपलं. म्हणाले,' बस.हे ऐक.'
अपेक्षा होती, उत्सुकता होती-एक नवीन ,ताजं, कोरं नाटक ऐकायला मिळणार.मतकरींकडून नव्या नाटकाचं वाचन ऐकणं हा आगळा आनंद ज्यांनी अनुभावलाय त्यांना माझ्या प्रसन्न झालेल्या चित्तवृत्तीची कल्पना लगेच येईल. वाचन सुरू झालं.

     पहिल्या ओळीपासूनच लक्षात आलं, हे काहीतरी वेगळंच आहे. त्यांच्या खास ओघवत्या शैलीत त्यांनी नॉनस्टॉप स ...